12 July 2019

ആവിലോറ എം എം എ യു പി സ്‌കൂളില്‍ സ്‌കൂള്‍ പാര്‍ലമെന്റ് തിരഞ്ഞെടുപ്പ് നടത്തി (വിഷൻ ന്യൂസ്‌ 12/07/2019)
(VISION NEWS 12 July 2019)


 


താമരശ്ശേരി: നാളത്തെ പൗരന്മാരായ വിദ്യാര്‍ത്ഥികളില്‍ ജനാധിപത്യ മൂല്യങ്ങള്‍ വളര്‍ത്തിയെടുക്കുന്നതിന്റെ ഭാഗമായി ആവിലോറ എം എം എ യു പി സ്‌കൂളില്‍ സ്‌കൂള്‍ പാര്‍ലമെന്റ് തിരഞ്ഞെടുപ്പ് നടത്തി. സ്‌കൂള്‍ ലീഡര്‍, ഡെപ്യൂട്ടി ലീഡര്‍, സ്‌പോര്‍ട്‌സ് ക്യാപ്റ്റന്‍, സാഹിത്യ സമാജം സെക്രട്ടറി എന്നീ സ്ഥാനങ്ങളിലേക്കാണ്് ബാലറ്റ് പേപ്പര്‍ ഉപയോഗിച്ച് തെരഞ്ഞെടുപ്പ് നടത്തിയത്. തെരഞ്ഞെടുപ്പ് വിജ്ഞാപനം, വോട്ടര്‍ പട്ടിക പ്രസിദ്ധീകരിക്കല്‍, നാമ നിര്‍ദ്ദേശ പട്ടിക സമര്‍പ്പിക്കല്‍, സൂക്ഷ്മ പരിശോധന, ചിഹ്നം അനുവദിക്കല്‍, പ്രചരണം, വോട്ടെടുപ്പ്, വോട്ടെണ്ണല്‍, സത്യ പ്രതിജ്ഞ തുടങ്ങിയ നടപടി ക്രമങ്ങളെല്ലാം പാലിച്ചായിരുന്നു തെരഞ്ഞെടുപ്പ്. സ്‌കൂളിലെ ജെ ആര്‍ സി അംഗങ്ങളാണ് പോളിംഗ് ഓഫീസര്‍മാരുടെയും മറ്റും ചുമതലകള്‍ നിര്‍വഹിച്ചത്. സ്‌കൂള്‍ ലീഡര്‍, ഡെപ്യൂട്ടി ലീഡര്‍, സ്‌പോര്‍ട്‌സ് ക്യാപ്റ്റന്‍, സാഹിത്യ സമാജം സെക്രട്ടറി സ്ഥാനങ്ങളിലേക്ക് യഥാക്രമം സല്‍വാ ഫാത്തിമ, ഷിഫ ഷെറിന്‍, ശിബാനി, ദിയ ഫാത്തിമ എന്നിവര്‍ തെരഞ്ഞടുക്കപ്പെട്ടു. അധ്യാപകരായ കെ എം ആഷിഖ് റഹ്മാന്‍, യു പി റമീസ്, എ ജാബിര്‍, കെ എം ബിനീഷ് കുമാര്‍ തുടങ്ങിയവര്‍ പ്രവര്‍ത്തനങ്ങള്‍ക്ക് നേതൃത്വം നല്‍കി.

Post a comment

Whatsapp Button works on Mobile Device only