25 October 2019

മുസ്‌ലിംലീഗ് പ്രവർത്തകന്റെ കൊലപാതകം:മലപ്പുറം തീരദേശ മേഖലയിൽ ഹർത്താൽ ആരംഭിച്ചു(വിഷൻ ന്യൂസ്‌ 25/10/2019)
(VISION NEWS 25 October 2019)



മലപ്പുറം: മുസ്ലീം ലീഗ് പ്രവർത്തകന്‍റെ കൊലപാതകത്തില്‍ പ്രതിഷേധിച്ച് മലപ്പുറം ജില്ലയിലെ തീരദേശ മേഖലയില്‍ ഇന്ന് യുഡിഎഫ് ഹർത്താൽ. വള്ളിക്കുന്ന് മുതല്‍ പൊന്നാനി വരെ ആറ് നിയോജക മണ്ഡലങ്ങളിലാണ്  ഹര്‍ത്താല്‍.ഇന്നലെ രാത്രിയാണ് താനൂര്‍ അഞ്ചുടിയില്‍ മുസ്ലീം ലീഗ് പ്രവര്‍ത്തകൻ വെട്ടേറ്റ് മരിച്ചത്.

തീരദേശ മേഖലയില്‍ രാവിലെ ആറ് മണിമുതല്‍ വൈകിട്ട് ആറ് മണിവരെയാണ് യു,ഡി.എഫ് ഹര്‍ത്താല്‍ ആഹ്വാനം ചെയ്തിട്ടുള്ളത്.ഇന്നലെ രാത്രി ഏഴരയോടെയാണ് അഞ്ചുടിയിൽ വച്ച് മുസ്ലീം ലീഗ് പ്രവര്‍ത്തകനായ ഇസ്ഹാഖിനു നേരെ ആക്രമണമുണ്ടായത്.വീട്ടിൽ നിന്നും കവലയിലേക്ക് വരുന്നതിനിടെ ആളൊഴിഞ്ഞ സ്ഥലത്തു വച്ചാണ് അഞ്ചംഗ സംഘം ഇസ്ഹാഖിനെ ആക്രമിച്ചത് ഗുരുതമായി പരിക്കേറ്റ ഇസ്ഹാഖിനെ തിരൂർ ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ആക്രമണത്തിനു പിന്നില്‍ വൻ ഗൂഢാലോചനയുണ്ടെന്നാരോപിച്ച മുസ്ലീം ലീഗ് ഉന്നതതല അന്വേഷണവും ആവശ്യപെട്ടു. സംഘര്‍ഷ സാധ്യത കണക്കിലെടുത്ത് സ്ഥലത്ത് വൻ പൊലീസ് സന്നാഹം ക്യാമ്പ്
ചെയ്യുന്നുണ്ട്.


Post a comment

Whatsapp Button works on Mobile Device only