04 May 2020

കോഴിക്കോട് ജില്ലയിൽ 12 തദ്ദേശ സ്ഥാപനങ്ങളിലെ ക്ലസ്റ്റര്‍ ക്വാറന്റൈന്‍ റദ്ദാക്കി
(VISION NEWS 04 May 2020)



കോഴിക്കോട്: കോവിഡ് വ്യാപനം തടയുന്നതിന്റെ ഭാഗമായി ക്ലസ്റ്റര്‍ ക്വാറന്റൈൻ ചെയ്തിരുന്ന ജില്ലയിലെ 12 ഗ്രാമപഞ്ചായത്തുകളിലെ 15 വാര്‍ഡുകളില്‍ ഏര്‍പ്പെടുത്തിയിരുന്ന കര്‍ശന നിയന്ത്രണങ്ങള്‍ റദ്ദാക്കി ജില്ലാ കലക്ടര്‍ സാംബശിവ റാവു ഉത്തരവിട്ടു. 

കിഴക്കോത്ത് (12-ാം വാര്‍ഡ്), വേളം (16), ആയഞ്ചേരി (2), ഉണ്ണികുളം (6), മടവൂര്‍ ( 6), ചെക്യാട് (10), തിരുവള്ളൂര്‍ (14), നാദാപുരം (15), ചങ്ങരേത്ത് (3), കായക്കൊടി (6,7,8),    എടച്ചേരി (16), ഏറാമല (2) എന്നീ ഗ്രാമപഞ്ചായത്തുകളിലെ ബന്ധപ്പെട്ട വാര്‍ഡ്കളിലെ ക്ലസ്റ്റര്‍ ക്വാറന്റൈന്‍ ആണ്‌ റദ്ദാക്കിയത്. 

ജില്ലയില്‍ ഹോട്ട്‌സ്‌പോട്ടുകളായി തുടരുന്ന കോടഞ്ചേരി, അഴിയൂര്‍  പഞ്ചായത്തുകളിലും വടകര മുന്‍സിപ്പാലിറ്റി, കോഴിക്കോട് കോര്‍പ്പറേഷനിലെ വാര്‍ഡ് 42 മുതല്‍ 45 വരെയും വാര്‍ഡ് 54 മുതല്‍ 56 വരെയുമുള്ള  സ്ഥലങ്ങളില്‍ നിലവിലുള്ള നിയന്ത്രണങ്ങള്‍ തുടരും.

Post a comment

Whatsapp Button works on Mobile Device only