08 May 2020

ആശ്വാസതീരമണഞ്ഞു..!റിയാദിൽ നിന്ന് 152 യാത്രക്കാരുമായുള്ള വിമാനം കരിപ്പൂരിലെത്തി
(VISION NEWS 08 May 2020)



സൗദിയിൽ നിന്നുള്ള പ്രവാസികളുമായുള്ള ആദ്യവിമാനം കരിപ്പൂർ വിമാനത്താവളത്തിലെത്തി. രാത്രി എട്ട് മണിയോടെയാണ് വിമാനം കരിപ്പൂർ വിമാനത്താവളത്തിലെത്തിയത്. 4 കൈക്കുഞ്ഞുങ്ങൾ അടക്കം വിമാനത്തില്‍ 152 പേരാണുള്ളത്.കേരളത്തിലെ 13 ജില്ലകളില്‍ നിന്നുള്ള 139 പേരും കര്‍ണാടക, തമിഴ്നാട് സ്വദേശികളായ 10 പേരും ഇതില്‍ ഉള്‍പ്പെടും. യാത്രക്കാരില്‍ 84 പേര്‍ ഗര്‍ഭിണികളും 22 പേർ കുട്ടികളുമാണ്. ഇതിൽ 23 ഗർഭിണികളും 11 കുട്ടികളും മലപ്പുറം ജില്ലയിൽ നിന്നുള്ളവരാണ്. അടിയന്തര ചികിത്സക്കെത്തുന്ന അഞ്ച് പേരും എഴുപത് വയസിനു മുകളിലുള്ള മൂന്നു പേരും സംഘത്തിലുണ്ട്.

റിയാദ് വിമാനത്താവളത്തിൽ യാത്രക്കാർക്ക് തെർമൽ പരിശോധന നടത്തി. റാപ്പിഡ് ടെസ്റ്റ് ഉൾപ്പെടെയുള്ള കൊവിഡ് പരിശോധനകൾ റിയാദ് യാത്രക്കാരിൽ നടത്തിയിട്ടില്ല. റിയാദിന് പുറമെ അൽ ഹസ്സ, ദവാദ്മി, അൽ ഖസീം എന്നിവിടങ്ങളിൽ നിന്നുള്ള യാത്രക്കാരും സംഘത്തിലുണ്ട്. പ്രായമായവരും വീസ കാലാവധി കഴിഞ്ഞവരും കൂട്ടത്തിലുണ്ട്.

Post a comment

Whatsapp Button works on Mobile Device only