17 January 2021

കൂളിങ്​ ഫിലിം ഒട്ടിച്ച വാഹനങ്ങളുടെ രജിസ്​ട്രേഷൻ റദ്ദാക്കും; ഇന്ന്മുതൽ കർശന നടപടി
(VISION NEWS 17 January 2021)

👉വാർത്തകൾ വാട്സപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക

തിരുവനന്തപുരം: കൂളിങ്​ ഫിലിമുകളും കർട്ടനുകളും ഉപയോഗിക്കുന്ന വാഹനങ്ങൾക്കെതിരെ ഇന്ന്മു തൽ കർശന നടപടിക്കൊരുങ്ങി മോ​ട്ടോർ വാഹന വകുപ്പ്​. ഓപ്പറേഷൻ സ്​ക്രീൻ എന്ന പേരിലാവും നടപടി. ഇത്തരം വാഹനങ്ങളുടെ രജിസ്​ട്രേഷൻ റദ്ദാക്കുന്നതുൾപ്പടെയുള്ള കടുത്ത നടപടിയുണ്ടാകുമെന്നാണ്​ മോ​ട്ടോർ വാഹന വകുപ്പ്​ അറിയിക്കുന്നത്​. കൂളിങ്​ ഫിലിമുകളും കർട്ടനുകളും മാറ്റാൻ വിസമ്മതിക്കുന്ന വാഹനങ്ങളുടെ രജിസ്​ട്രേഷൻ​ റദ്ദാക്കുകയും നിയമനടപടികൾ സ്വീകരിക്കുകയും ചെയ്യും.

സ്വകാര്യ വാഹനങ്ങൾക്കൊപ്പം നിരവധി സർക്കാർ, അർധ സർക്കാർ വാഹനങ്ങളിലും ഇത്തരത്തിൽ നിയമവിരുദ്ധമായ കൂളിങ്​ ഫിലിമുകളും കർട്ടനുകളും കണ്ടെത്തിയിട്ടുണ്ട്​. ഇവക്കെതിരെയും നടപടിയുണ്ടാകുമെന്ന്​ മോ​ട്ടോർ വാഹന വകുപ്പ്​ അറിയിച്ചു. യാത്രക്കാർക്ക്​ ബുദ്ധിമുട്ടുണ്ടാക്കാത്ത രീതിയിലായിരിക്കും പരിശോധന. നിയമം ലംഘിച്ചിട്ടുണ്ടെന്ന്​ മനസിലായാൽ ഇ-ചെലാൻ വഴിയായിരിക്കും പിഴ ഈടാക്കുക.

നേരത്തെ ഡിസംബറിൽ തന്നെ ഇത്തരം വാഹനങ്ങൾക്കെതിരെ നടപടിയെടുക്കാൻ ആഭ്യന്തര സെക്രട്ടറി ഉത്തരവിട്ടിരുന്നു. എന്നാൽ, മോ​േട്ടാർ വാഹന വകുപ്പ്​ അന്ന്​ നടപടിയെടുത്തിരുന്നില്ല.

Post a comment

Whatsapp Button works on Mobile Device only