യു.ഡി.വൈ.എഫിന്റെ നേതൃത്വത്തിൽ സർക്കാറിനെതിരെ കോഴിക്കോട്, കോട്ടയം, തിരുവനന്തപുരം എന്നിവിടങ്ങളിൽ നടത്താൻ തീരുമാനിച്ച മാർച്ച് വിജയിപ്പിക്കാനും പ്രവർത്തക സമിതി യോഗം തീരുമാനിച്ചു. അഴിമതിയിൽ മുങ്ങിക്കുളിച്ച് മുഖം നഷ്ടപ്പെട്ട സർക്കാർ പ്രതിപക്ഷ നേതാക്കളെ കള്ളക്കേസിൽ കുടുക്കി മുഖം രക്ഷിക്കാനാണ് ശ്രമിക്കുന്നത്. എസ്.ഡി.പി.ഐയെയും ബി.ജെ.പിയെയും തരാതരം കൂട്ടുപിടിക്കുന്ന അപകടകരമായ രാഷ്ട്രീയമാണ് സി.പി.എം നടത്തുന്നത്. ഒരേ സമയം ന്യൂനപക്ഷ, ഭൂരിപക്ഷ വർഗീയതകളെ ലാളിക്കുകയാണ് സി.പി.എം. വലിയ പ്രത്യാഘാതം സൃഷ്ടിക്കുന്ന ഈ രാഷ്ട്രീയ നിലപാടിനെതിരെ പ്രതിഷേധം ഉയരണം. മതേതരത്വത്തിൽ വിശ്വസിക്കുന്ന ജനം ഒറ്റക്കെട്ടായി ഈ ധ്രുവീകരണ രാഷ്ട്രീയത്തിനെതിരെ ഒന്നിച്ചു നിൽക്കണം. -അദ്ദേഹം പറഞ്ഞു. ലീഗിനെ തോൽപിക്കാൻ വേണ്ടി മാത്രം കുമ്പളയിലും ബദിയടുക്കയിലും മഞ്ചേശ്വരത്തും സി.പി.എം ബി.ജെ.പിക്ക് വോട്ട് ചെയ്തു. സി.പി.എം- എസ്.ഡി.പി.ഐ ബന്ധം മറച്ചുപിടിക്കാനാണ് യു.ഡി.എഫിനു മേൽ വെൽഫെയർ പാർട്ടി ബന്ധം ആരോപിക്കുന്നതെന്നും ഫിറോസ് പറഞ്ഞു. ഭാരവാഹികളായ എം.എ സമദ്, നജീബ് കാന്തപുരം എന്നിവരും വാർത്താ സമ്മേളനത്തിൽ സംബന്ധിച്ചു.
ഒരു അഭിപ്രായം പോസ്റ്റ് ചെയ്യൂ