29 മാർച്ച് 2021

കോവിഡ് വാക്സിൻ സ്വീകരിച്ച ​ഗർഭിണിക്ക് കോവിഡ് പ്രതിരോധശേഷിയുള്ള ലോകത്തെ ആദ്യത്തെ കുഞ്ഞ് പിറന്നു
(VISION NEWS 29 മാർച്ച് 2021)




ഗർഭകാലത്ത് കോവിഡ് വാക്സിന്റെ ആദ്യ ഡോസ് സ്വീകരിച്ച ​ഗർഭിണിക്ക് കോവിഡിനെതിരെയുള്ള ആന്റിബോഡി സാന്നിധ്യമുള്ള കുഞ്ഞ് പിറന്നതായി റിപ്പോർട്ട്. ​ ​ഗർഭകാലത്തിന്റെ 36 ാം ആഴ്ചയിലാണ് ​ഗർഭിണി മോഡേണ എ.ആർ.എൻ.എ. വാക്സിൻ സ്വീകരിച്ചത്. മൂന്നാഴ്ചയ്ക്ക് ശേഷം ഇവർ ആരോ​ഗ്യവതിയായ പെൺകുഞ്ഞിന് ജൻമം നൽകി. ഉടൻതന്നെ കുഞ്ഞിന്റെ രക്തസാംപിൾ പരിശോധിച്ചപ്പോഴാണ് സാർസ് കോവ് 2 വെെറസിനെതിരെ പ്രതിരോധം നൽകുന്ന ആന്റിബോഡികളുടെ സാന്നിധ്യം കണ്ടെത്തിയതെന്ന് പഠനം നടത്തിയ യു.എസിലെ ഫ്ളോറിഡയിലെ അറ്റ്ലാന്റിക് സർവകലാശാലയിൽ നിന്നുള്ള പോൾ ​ഗിൽബർട്ടും ചാഡ് റൂഡ്നിക്കും പറഞ്ഞു. കുഞ്ഞിന് അവർ മുലയൂട്ടുന്നുണ്ടെന്നും വാക്സിനേഷൻ പ്രോട്ടോക്കോൾ പ്രകാരം വാക്സിന്റെ ആദ്യ ഡോസ് സ്വീകരിച്ച് 28 ദിവസം കഴിഞ്ഞ് രണ്ടാമത്തെ ഡോസ് അവർ സ്വീകരിച്ചുവെന്നും ഡോക്ടർമാർ പറഞ്ഞു. ​കോവിഡ് മുക്തരായ അമ്മമാരുടെ ശരീരത്തിൽ നിന്നും പ്ലാസന്റ വഴി ​ഗർഭസ്ഥ ശിശുവിലേക്ക് ആന്റിബോഡികൾ കുറഞ്ഞ അളവിലാണ് കെെമാറ്റം ചെയ്യപ്പെടുന്നതെന്നാണ് പഠനങ്ങളിൽ കണ്ടെത്തിയത്. അമ്മമാർക്ക് വാക്സിൻ നൽകുക വഴി ​ഗർഭസ്ഥ ശിശുവിന് അണുബാധയേൽക്കാനുള്ള സാധ്യത കുറയുമെന്നാണ് ഇപ്പോഴത്തെ പഠനങ്ങളിൽ നിന്നും വ്യക്തമായത്.

ഒരു അഭിപ്രായം പോസ്റ്റ് ചെയ്യൂ

Whatsapp Button works on Mobile Device only