28 മാർച്ച് 2021

വേനൽക്കാലത്ത് രക്തസമ്മർദ്ദം നിയന്ത്രിക്കാൻ കഴിക്കാം ഈ പഴങ്ങൾ
(VISION NEWS 28 മാർച്ച് 2021)

👉വാർത്തകൾ വാട്സപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക




അമിത രക്തസമ്മർദ്ദം നിയന്ത്രിച്ചില്ലെങ്കിൽ അത് പല ആരോഗ്യ പ്രശ്നങ്ങൾക്കും കാരണമാകും. അതിനാൽ ഈ വേനൽക്കാലത്ത് രക്തസമ്മർദ്ദം നിയന്ത്രിക്കാൻ സഹായിക്കുന്ന ഈ പഴങ്ങൾ ഭക്ഷണത്തിൽ ഉൾപ്പെടുത്താം.
 


ലോകമെമ്പാടുമുള്ള ദശലക്ഷക്കണക്കിന് ആളുകളെ ബാധിക്കുന്ന ഏറ്റവും സാധാരണമായ ജീവിതശൈലി രോഗങ്ങളിൽ ഒന്നാണ് ഉയർന്ന രക്തസമ്മർദ്ദം. പലവിധത്തിൽ, പ്രത്യേകിച്ച് നിങ്ങളുടെ ഹൃദയത്തിന് ഇത് അപകടകരമാണെന്ന് നിങ്ങളിൽ മിക്കവർക്കും ഇതിനകം അറിയാമായിരിക്കും. ഉയർന്ന ബിപിയുടെ അവസ്ഥ കൈകാര്യം ചെയ്യുന്നതിനുള്ള ഏറ്റവും ഫലപ്രദമായ മാർഗം ശരിയായ ഭക്ഷണക്രമമാണ്. വേനൽക്കാലം വരുമ്പോൾ, നിങ്ങൾക്ക് തിരഞ്ഞെടുക്കുവാൻ ധാരാളം ഭക്ഷ്യ വിഭവങ്ങളുണ്ട്! വളരെയധികം പോഷകഗുണമുള്ളതും നിങ്ങളുടെ രക്തസമ്മർദ്ദത്തിന്റെ തോത് നിയന്ത്രിക്കുന്നതിനും സഹായിക്കുന്ന ധാരാളം വേനൽക്കാല പഴങ്ങൾ ഇപ്പോൾ ലഭ്യമാണ്.
അതിനാൽ, ദിവസം തോറും ചൂട് കൂടി വരുന്ന ഈ സമയത്ത് രക്തസമ്മർദ്ദം നിയന്ത്രിച്ച് നിർത്താൻ സഹായിക്കുന്ന ചില വേനൽക്കാല പഴങ്ങൾ പരിചയപ്പെടാം.

1. തണ്ണിമത്തൻ

ചൂടുള്ള ഈ കാലാവസ്ഥയിൽ തണ്ണിമത്തൻ കഴിക്കുന്നതും തണ്ണിമത്തൻ ജ്യൂസ് കുടിക്കുന്നതുമെല്ലാം ശരീരത്തെ മൊത്തത്തിലൊന്ന് തണുപ്പിക്കാൻ സഹായിക്കും. ഈ കലോറി കുറഞ്ഞ ഫലം മധുരതരവും ഉന്മേഷദായകവുമാണ്. നിങ്ങളുടെ ഫ്രൂട്ട് സാലഡിലേക്കോ ജ്യൂസിലേക്കോ ഇത് ചേർക്കുക. ഇത് ഏത് രൂപത്തിലും കഴിക്കുവാൻ മികച്ചതാണ്. ഇത് ഒരു രുചികരമായ പഴം മാത്രമല്ല, വിറ്റാമിൻ സി, എ, പൊട്ടാസ്യം, അമിനോ ആസിഡുകൾ, ലൈകോപീൻ, സോഡിയം, ആന്റിഓക്‌സിഡന്റുകൾ എന്നിവയും സമ്പുഷ്ടമായ അളവിൽ അടങ്ങിയിരിക്കുന്നു. അതിനാൽ, ഉയർന്ന രക്തസമ്മർദ്ദത്തിനെതിരെ പോരാടാൻ തണ്ണിമത്തൻ കഴിക്കുന്നത് ശരീരത്തെ സഹായിക്കുന്നു.

2. കിവി

ഈ പഴത്തിൽ ശക്തമായ ആന്റിഓക്‌സിഡന്റുകളും ധാതുക്കളും ഉണ്ട്, ഇത് നിങ്ങളുടെ ഉയർന്ന രക്തസമ്മർദ്ദ നില കുറയ്ക്കും. എന്തിനധികം, അതിൽ ഫൈബർ, വിറ്റാമിൻ സി, ഫോളേറ്റ് എന്നിവ അടങ്ങിയിരിക്കുന്നു എന്നതിനാൽ, ദഹനം മെച്ചപ്പെടുത്താനും പ്രതിരോധശേഷി വർദ്ധിപ്പിക്കാനും ചർമ്മത്തിന്റെ ആരോഗ്യം മെച്ചപ്പെടുത്താനും ഇത് സഹായിക്കുന്നു. കിവിയുടെ ഏറ്റവും മികച്ച കാര്യം നിങ്ങൾക്ക് ദിവസവും ഇത് കഴിക്കാം എന്നതാണ്. കാരണം അതിൽ പോഷകങ്ങൾ ധാരാളമായി അടങ്ങിയിട്ടുണ്ട്. ഇത് ഹൃദയാഘാതം, പക്ഷാഘാതം മുതലായ രക്തസമ്മർദ്ദം മൂലമുണ്ടാകുന്ന ഹൃദ്രോഗങ്ങളെ തടയുന്നു.


3. മാമ്പഴം

അതീവ രുചികരമായതിനാൽ നമ്മളിൽ മിക്കവരും ഏറ്റവും കൂടുതൽ ഇഷ്ടപ്പെടുന്ന പഴങ്ങളിലൊന്നാണ് മാമ്പഴം! വേനൽക്കാലത്ത് സുലഭമായി ലഭിക്കുന്ന ഒരു പഴമാണ് ഇത്. ഉയർന്ന രക്തസമ്മർദ്ദത്തിന് മാങ്ങ ഒരു മികച്ച ഫലമാണ്. രക്തസമ്മർദ്ദം കുറയ്ക്കുന്നതിന് ഫലപ്രദമായ ഫൈബർ, ബീറ്റാ കരോട്ടിൻ എന്നിവയുടെ മികച്ച ഉറവിടമാണ് മാമ്പഴം.

4. വാഴപ്പഴം

എഫ്ഡി‌എയുടെ അഭിപ്രായത്തിൽ പൊട്ടാസ്യം അടങ്ങിയതും സോഡിയം കുറവുള്ളതുമായ ഭക്ഷണക്രമം ഉയർന്ന രക്തസമ്മർദ്ദം, ഹൃദ്രോഗങ്ങൾ, ഹൃദയാഘാതം എന്നിവ തടയുന്നു. ദഹനത്തെ പ്രോത്സാഹിപ്പിക്കുകയും കൂടുതൽ നേരം വയർ നിറഞ്ഞതായി അനുഭവപ്പെടുവാൻ സഹായിക്കുകയും രക്താതിമർദ്ദത്തിനെതിരെ പോരാടുകയും ചെയ്യുന്ന ഒരു പഴമാണ് ഏത്തപ്പഴം. എന്തിനധികം, വിറ്റാമിൻ സി, ഫൈബർ എന്നിവയുടെ സമ്പന്നമായ ഉറവിടമാണിത്, ഇത് നിങ്ങളുടെ രക്തസമ്മർദ്ദ നില നിയന്ത്രിക്കുന്നതിനുള്ള മികച്ച വേനൽക്കാല പഴമായി മാറുന്നു.

5. സ്ട്രോബെറി

സ്ട്രോബെറി ഇഷ്ടപ്പെടാൻ നിരവധി കാരണങ്ങളുണ്ട്. കേക്ക്, ഐസ്ക്രീം, ചോക്ലേറ്റ് എന്നിവപോലുള്ള വിഭവങ്ങളിൽ ഈ പഴം നന്നായി ചേർന്ന് പോകുന്നു. ഉയർന്ന രക്തസമ്മർദ്ദം കുറയ്ക്കാൻ സഹായിക്കുന്ന ആന്തോസയാനിൻസ് (ആന്റി ഓക്സിഡൻറ് സംയുക്തം), വിറ്റാമിൻ സി, പൊട്ടാസ്യം, ഒമേഗ 3 ഫാറ്റി ആസിഡുകൾ എന്നിവ ഇതിൽ അടങ്ങിയിരിക്കുന്നു.
അതിനാൽ ഈ രക്തസമ്മർദ്ദം കുറയ്ക്കുന്ന പഴങ്ങൾ നിങ്ങളുടെ ഭക്ഷണക്രമത്തിൽ ഉൾപ്പെടുത്താൻ മറക്കരുത്.

ഒരു അഭിപ്രായം പോസ്റ്റ് ചെയ്യൂ

Whatsapp Button works on Mobile Device only