07 ഏപ്രിൽ 2021

വായ്പകൾക്ക് ഇനി പലിശ കൂടും; SBI, HDFC വായ്പാ ഓഫറുകൾ അവസാനിച്ചു: പുതിയ നിരക്ക് അറിയാം
(VISION NEWS 07 ഏപ്രിൽ 2021)

👉വാർത്തകൾ വാട്സപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക




സ്റ്റേറ്റ് ബാങ്ക് ഓഫ് ഇന്ത്യയുടെ (എസ്‌ബി‌ഐ) പുതിയ ഭവന വായ്പ നിരക്ക് ഏപ്രിൽ ഒന്ന് മുതൽ പ്രാബല്യത്തിൽ വന്നു. ബാങ്കിന്റെ വെബ്‌സൈറ്റിൽ നൽകിയിരിക്കുന്ന വിവരങ്ങൾ അനുസരിച്ച് പലിശ നിരക്കുകൾ 6.95% മുതൽ ആരംഭിക്കും. മാർച്ചിൽ എസ്‌ബി‌ഐ വായ്പകൾക്ക് പ്രത്യേക ഓഫറുകൾ നൽകിയിരുന്നു. ഭവന വായ്പകൾക്ക് 6.7% മുതലായിരുന്നു പലിശ നിരക്ക്. എന്നാൽ ഇപ്പോൾ വീണ്ടും നിരക്കുകൾ ഉയർന്നു. സർക്കാർ ഉടമസ്ഥതയിലുള്ള ബാങ്കിന് 5,00,000 കോടി രൂപയുടെ ഭവന വായ്പ പോർട്ട്ഫോളിയോയാണുള്ളത്.
എച്ച്ഡി‌എഫ്‌സി ലിമിറ്റഡും മികച്ച ഓഫറുകളോടെയാണ് കഴിഞ്ഞ മാസം വായ്പകൾ നൽകിയിരുന്നത്. വായ്പകളുടെ പ്രാരംഭ പലിശ നിരക്ക് 6.7 ശതമാനമായിരുന്നു. ഈ ഓഫറും 2021 മാർച്ച് 31 ന് അവസാനിച്ചു. എന്നാൽ എച്ച്ഡിഎഫ്സി ലിമിറ്റഡിന്റെ വെബ്‌സൈറ്റിൽ ഇപ്പോഴും 6.7 ശതമാനം പലിശ നിരക്ക് തന്നെയാണ് കാണിക്കുന്നത്.മറ്റ് ബാങ്കുകളും ഇതേ രീതി പിന്തുടരുകയും അവരുടെ പലിശ നിരക്ക് ഉയർത്തുകയും ചെയ്യുമെന്നാണ് വിവരം. പഞ്ചാബ്, സിന്ധ് ബാങ്ക് (6.65 ശതമാനം), ഐസിഐസിഐ ബാങ്ക് (6.70 ശതമാനം), ബാങ്ക് ഓഫ് ബറോഡ (6.75 ശതമാനം) എന്നിവയാണ് നിലവിൽ വായ്പാ പലിശ നിരക്കുകൾ കുറവുള്ള ചില ബാങ്കുകൾ.

കോവിഡ് വ്യാപനത്തിനിടയിലും ആകർഷകമായ വായ്പാ പദ്ധതികളുമായി രംഗത്തെത്തിയ രാജ്യത്തെ ഏറ്റവും വലിയ വാണിജ്യ പൊതുമേഖലാ ബാങ്കാണ് എസ്ബിഐ. കാർ, സ്വർണ പണയ, വ്യക്തിഗത വായ്പകൾ എന്നിവയ്ക്ക് എസ്ബിഐ ഇളവുകൾ പ്രഖ്യാപിച്ചിരുന്നു. കാർ, സ്വർണ പണയ, വ്യക്തിഗത വായ്പകളുടെ പ്രോസസിങ് ഫീസിൽ 100 ശതമാനം ഇളവും ബാങ്ക് കഴിഞ്ഞ വർഷം അനുവദിച്ചിരുന്നു.

ഭവനവായ്പയ്ക്ക് പ്രത്യേക ഉത്സവകാല ഓഫറുകളും കഴിഞ്ഞ വർഷം എസ്ബിഐ പ്രഖ്യാപിച്ചിരുന്നു. അംഗീകൃത പ്രോജക്റ്റുകളിൽ വീട് വാങ്ങുന്നവർക്കായി ഭവനവായ്പയുടെ പ്രോസസ്സിംഗ് ഫീസ് പൂർണ്ണമായും ഒഴിവാക്കി. ഉപഭോക്താക്കളുടെ ക്രെഡിറ്റ് സ്കോർ, വായ്പ തുക എന്നിവയുടെ അടിസ്ഥാനത്തിൽ പലിശനിരക്കിന് 10 ബിപിഎസ് വരെ പ്രത്യേക ഇളവുകളും ബാങ്ക് നൽകിയിരുന്നു. കൂടാതെ, YONO വഴി ഭവന വായ്‌പയ്‌ക്കായി അപേക്ഷിക്കുകയാണെങ്കിൽ‌ 5bps പലിശ ഇളവും ബാങ്ക് വാഗ്ദാനം ചെയ്തിരുന്നു. ഈ ഓഫർ നേടാൻ യോനോ ആപ്പ് ഉണ്ടായിരിക്കണമെന്ന് മാത്രം. എന്നാൽ ആനുകൂല്യങ്ങളിൽ ബാങ്ക് മാറ്റം വരുത്തിയിട്ടുണ്ടോ എന്ന കാര്യം വ്യക്തമാക്കിയിട്ടില്ല.

ഡിജിറ്റൽ ബാങ്കിംഗ് വർദ്ധിച്ചു വരുന്ന നിലവിലെ സാഹചര്യത്തിൽ, എസ്‌ബി‌ഐയുടെ മുൻനിര ബാങ്കിംഗ് പ്ലാറ്റ്ഫോം ആയ യോനോയിൽ കാർ, സ്വർണ പണയ വായ്പ എന്നിവ എളുപ്പത്തിൽ അപേക്ഷിക്കാൻ കഴിയും. എസ്‌ബി‌ഐ ഉപഭോക്താക്കൾക്ക് വെറും 4 ക്ലിക്ക് കൊണ്ട് തന്നെ അവരവരുടെ വീടുകളിലിരുന്ന് യോനോയിൽ മുൻകൂട്ടി അംഗീകാരം ലഭിച്ച പേപ്പർ‌ലെസ് വ്യക്തിഗത വായ്പകൾ എടുക്കാം.

ഒരു അഭിപ്രായം പോസ്റ്റ് ചെയ്യൂ

Whatsapp Button works on Mobile Device only