05 മേയ് 2021

​അപൂര്‍വം; ഒറ്റപ്രസവത്തില്‍ 9 കുഞ്ഞുങ്ങള്‍ക്ക് ജന്മം നല്‍കി 25കാരി
(VISION NEWS 05 മേയ് 2021)






മാലിയില്‍ ഒറ്റപ്രസവത്തില്‍ ഒൻപത് കുഞ്ഞുങ്ങള്‍ക്ക് ജന്മം നല്‍കി 25കാരി. ഹലീമ സിസെയാണ് ഒറ്റ പ്രസവത്തില്‍ അഞ്ചു പെണ്‍കുഞ്ഞുങ്ങള്‍ക്കും നാലു ആണ്‍കുഞ്ഞുങ്ങള്‍ക്കും ജന്മം നല്‍കിയത്. ഗര്‍ഭിണിയായിരിക്കെ ഹലീമയുടെ വയറ്റില്‍ ഏഴുകുഞ്ഞുങ്ങളുണ്ടെന്ന് ഡോക്ടര്‍മാര്‍ കണ്ടെത്തിയിരുന്നു. ഏഴു കുഞ്ഞുങ്ങള്‍ തന്നെ അപൂര്‍വമായതിനാല്‍ യുവതിയെ ആരോഗ്യ സംവിധാനങ്ങളുള്ള മൊറോകൊയിലെത്തിച്ച്‌ പ്രത്യേക പരിചരണം നല്‍കുകയായിരുന്നു.

എന്നാല്‍ മൊറോകോയില്‍ വച്ച്‌ സിസേറിയനിലൂടെ ഒൻപത് കുഞ്ഞുങ്ങളെയാണ് ഡോക്ടര്‍മാര്‍ പുറത്തെടുത്തത്. കുഞ്ഞുങ്ങളും അമ്മയും ആരോഗ്യത്തോടെയിരിക്കുന്നതായി മാലി ആരോഗ്യമന്ത്രി അറിയിച്ചു. ഏതാനും ആഴ്ചകള്‍ക്ക് ശേഷം മാത്രമേ യുവതിയെയും കുഞ്ഞുങ്ങളെയും സ്വദേശത്ത് എത്തിക്കൂവെന്നും മന്ത്രി പറഞ്ഞതായാണ് റിപ്പോര്‍ട്ട്.

ഒരു അഭിപ്രായം പോസ്റ്റ് ചെയ്യൂ

Whatsapp Button works on Mobile Device only