07 ജൂൺ 2021

ഇവനെ തൊടരുതേ.. സ്പര്‍ശിച്ചാല്‍ ജീവന്‍ എടുക്കുന്ന കൂണ്‍
(VISION NEWS 07 ജൂൺ 2021)




 
സ്പര്‍ശനത്തിലൂടെ നമ്മുടെ ജീവന്‍ വരെ അപഹരിക്കാന്‍ കഴിയുന്ന സസ്യങ്ങളെക്കുറിച്ച് കേട്ടിട്ടുണ്ടോ? ഓസ്‌ട്രേലിയയിലെ ക്വീന്‍സ്‌ലാന്‍ഡില്‍ കാണപ്പെടുന്ന കൂണ്‍ അപകടകരവും വിഷമുള്ളതുമാണ്. ഏഷ്യന്‍ രാജ്യങ്ങളായ ജപ്പാന്‍, കൊറിയ എന്നിവിടങ്ങളിലും ഈ പ്രത്യേക തരം കൂണ്‍ കാണപ്പെടുന്നു.

നമ്മള്‍ സാധാരണയായി കാണുന്ന വെള്ളനിറത്തിലുള്ള കൂണ്‍ അല്ല ഇത്. ചുവപ്പ്‌ നിറത്തിലാണ് ഇത് കാണപ്പെടുന്നത്. ശാസ്ത്രജ്ഞര്‍ പറയുന്നത് ഈ കൂണില്‍ വിഷാംശം ഉള്ളതിനാല്‍ ഇത് കഴിക്കുന്നതിലൂടെ നമ്മുടെ അവയവങ്ങള്‍ തകരാറിലാവുകയും, തലച്ചോറിന് കേടുപാടുകള്‍ സംഭവിക്കുകയും, ശരീരത്തില്‍ ചൊറിച്ചില്‍ ഉണ്ടാവുകയും ചെയ്യുമെന്നാണ്. 

ജെയിംസ് കുക്ക് യൂണിവേഴ്‌സിറ്റിയിലെ ഗവേഷകര്‍ പറയുന്നതനുസരിച്ച് ചര്‍മ്മത്തിലൂടെ വിഷം ആഗിരണം ചെയ്യുന്ന ഒരേയൊരു കൂണ്‍ ഫംഗസാണിത്. പോഡോസ്ട്രോമ കോർനു-ഡാമ (Podostroma cornu-damae) എന്നറിയപ്പെടുന്ന ഈ വിഷ കൂണ്‍ 1895ലാണ് ചൈനയിൽ ആദ്യമായി കണ്ടെത്തിയത്. 

ഏറ്റവും പുതിയ റിപ്പോർട്ട് അനുസരിച്ച് ഇന്തോനേഷ്യ, ന്യൂ പപ്പുവ ഗ്വിനിയ എന്നിവിടങ്ങളിലും ഈ തരം കൂണ്‍ കണ്ടതായി പറയപ്പെടുന്നുണ്ട്. ഓസ്‌ട്രേലിയയിൽ ഈ കൂൺ അധികം കാണാന്‍ ഇല്ലെന്ന് ഡോ. ബാരറ്റ് പറഞ്ഞു. അതുകൊണ്ടാണ് ഈ വിഷ കൂണ്‍ ഇതുവരെ ആരും അറിയാത്തത്. കഴിഞ്ഞ ആറ് മാസത്തിനിടെ ഓസ്‌ട്രേലിയയിൽ 20ലധികം ഇനം ഫംഗസുകൾ നിറഞ്ഞ കൂണുകള്‍ കണ്ടെത്തിയിട്ടുണ്ടെന്നാണ് റിപ്പോർട്ട്.

ഒരു അഭിപ്രായം പോസ്റ്റ് ചെയ്യൂ

Whatsapp Button works on Mobile Device only