15/12/2021

ആന്ധ്രയില്‍ 26 യാത്രക്കാരുമായി ബസ് പുഴയിലേക്ക് മറിഞ്ഞു: ഒമ്പത് മരണം
(VISION NEWS 15/12/2021)




വെസ്റ്റ് ഗോദാവരി: ആന്ധ്രാപ്രദേശില്‍ 26 യാത്രക്കാരുമായി പോയ ബസ് പുഴയിലേക്ക് മറിഞ്ഞ് ഒമ്പത് പേര്‍ മരിച്ചു. ബസ് ഡ്രൈവറും അഞ്ച് സ്ത്രീകളും ഉള്‍പ്പെടെ ഒമ്പത് പേരാണ് മരിച്ചത്. ഇന്ന് രാവിലെ 11 മണിയോടെ വെസ്റ്റ് ഗോദാവരി ജില്ലയിലായിരുന്നു സംഭവം.

യാത്രക്കാരുമായി ബസ് അശ്വരോപേട്ടയില്‍ നിന്ന് ജങ്കറെഡിഗുഡെമിലേക്ക് പോകുകയായിരുന്നു. ബസ് നിയന്ത്രണം നഷ്ടപ്പെട്ട് പുഴയിലേക്ക് മറിയുകയായിരുന്നു. യാത്രക്കാരെ മുഴുവന്‍ പേരെയും പുറത്തെത്തിക്കാനായിട്ടില്ല.

രക്ഷാപ്രവര്‍ത്തനം തുടരുകയാണ്. പരിക്കേറ്റവര്‍ക്ക് അടിയന്തിര സഹായം എത്തിക്കാന്‍ അധികൃതര്‍ക്ക് നിര്‍ദ്ദേശം നല്‍കി.

ഒരു അഭിപ്രായം പോസ്റ്റ് ചെയ്യൂ

Whatsapp Button works on Mobile Device only