04/01/2022

'കള്ളന്‍ ഡിസൂസ'ട്രെയ്‌ലര്‍
(VISION NEWS 04/01/2022)




സൗബിന്‍ ഷാഹിറിനെ നായകനാക്കി ജിത്തു കെ ജയൻ സംവിധാനം ചെയ്യുന്ന''കള്ളന്‍ ഡിസൂസ''എന്ന ചിത്രത്തിന്റെ ഒഫീഷ്യല്‍ ട്രെയ്‌ലര്‍ സൈന മൂവീസിൽ റിലീസായി.ദിലീഷ് പോത്തന്‍, സുരഭി ലക്ഷ്മി, ഹരീഷ് കണാരന്‍ എന്നിവരാണ് മറ്റു പ്രമുഖ താരങ്ങൾ. റാംഷി അഹമ്മദ് പ്രൊഡക്ഷന്‍സിന്റെ ബാനറില്‍ റാംഷി അഹമ്മദ് ചിത്രം നിര്‍മ്മിക്കുന്നു. 

സാന്ദ്ര തോമസ്, തോമസ് ജോസഫ് പട്ടത്താനം എന്നിവരാണ് സഹനിര്‍മ്മാതാക്കള്‍. സജീര്‍ ബാബ തിരക്കഥയെഴുതുന്ന ഈ ചിത്രത്തിന്റെ ഛായാഗ്രഹണം അരുണ്‍ ചാലിൽ നിർവ്വഹിക്കുന്നു.
ദുല്‍ഖര്‍ സല്‍മാന്‍ നായകനായ 'ചാര്‍ലി'യില്‍ സൗബിന്‍ അവതരിപ്പിച്ച കഥാപാത്രത്തിന്റെ പേരായിരുന്നു സുനിക്കുട്ടന്‍ കള്ളന്‍ ഡിസൂസ. ഈ കഥാപാത്രത്തെ നായകനാക്കി ഒരുക്കുന്ന ചിത്രമാണ് " കള്ളന്‍ ഡിസൂസ ". 

ചാർലി പുറത്തിറങ്ങി ആറ് വര്‍ഷങ്ങള്‍ക്ക് ശേഷമാണ് കള്ളന്‍ ഡിസൂസ ടൈറ്റില്‍ കഥാപാത്രമാകുന്ന ചിത്രം തിയറ്ററുകളില്‍ എത്തുന്നത്. എഡിറ്റിംഗ്- റിസാല്‍ ജയ്നി, പ്രൊഡക്ഷന്‍ കണ്‍ട്രോളര്‍- ബാദുഷ, കലാസംവിധാനം-ശ്യാം കാര്‍ത്തികേയന്‍, വസ്ത്രാലങ്കാരം-സുനില്‍ റഹ്മാന്‍,സംഗീതം-ലിയോ ടോം,പ്രശാന്ത് കര്‍മ്മ, പശ്ചാത്തല സംഗീതം- കൈലാസ് മേനോന്‍, സൗണ്ട് ഡിസൈന്‍- ശ്രീജിത്ത് ശ്രീനിവാസ്, ചീഫ് ഡയറക്ടേഴ്‌സ്- സൈലെക്‌സ് എബ്രഹാം, സനല്‍ വി ദേവന്‍, ഡിസൈന്‍സ്- പാലായ്.
വാർത്ത പ്രചരണം-എ എസ് ദിനേശ്.

ഒരു അഭിപ്രായം പോസ്റ്റ് ചെയ്യൂ

Whatsapp Button works on Mobile Device only