14/01/2022

കൊറോണ വൈറസിനെതിരെ രണ്ട് മരുന്നുകൾക്ക് കൂടി ഡബ്യൂഎച്ച്ഒ അം​ഗീകാരം
(VISION NEWS 14/01/2022)




കോവിഡ് 19 ചികിത്സയ്ക്ക് രണ്ട് മരുന്നുകൾക്ക് കൂടി ലോകാരോഗ്യ സംഘടനയുടെ അം​ഗീകാരം. ആർത്രൈറ്റിസ് മരുന്നായ ബാരിസിറ്റിനിബും സോട്രോവിമാബ് എന്ന സിന്തറ്റിക് ആന്റിബോഡി മരുന്നുമാണ് വിദ​ഗ്ധർ ശുപാർശ ചെയ്യുന്നത്. 
 
ഗുരുതരാവസ്ഥയിലുള്ള കോവിഡ് രോഗികളെ ചികിത്സിക്കാൻ കോർട്ടികോസ്റ്റീറോയിഡുകൾക്കൊപ്പം ഉപയോഗിക്കുന്ന ബാരിസിറ്റിനിബ് എന്ന മരുന്ന് മികച്ചതാണെന്ന് ബ്രിട്ടീഷ് മെഡിക്കൽ ജേർണലായ ബിഎംജെയിൽ ഡബ്യൂഎച്ച്ഒ വിദ​ഗ്ധർ പറഞ്ഞു. ഇത് മെച്ചപ്പെട്ട അതിജീവന നിരക്ക് കാണിക്കുന്നുണ്ടെന്നും വെന്റിലേറ്ററുകളുടെ ആവശ്യകത കുറയ്ക്കാൻ സഹായിക്കുമെന്നും അവർ ചൂണ്ടിക്കാട്ടി. 

രോഗപ്രതിരോധ ശേഷി കുറവുള്ള അല്ലെങ്കിൽ പ്രമേഹം പോലുള്ള വിട്ടുമാറാത്ത രോഗങ്ങൾ ഉള്ളവർക്കാണ് സോട്രോവിമാബ് ശുപാർശ ചെയ്യുന്നത്. തീവ്ര കോവിഡ് ബാധ അല്ലെങ്കിലും ഈ വിഭാ​ഗത്തിലുള്ളവരെ ആശുപത്രിയിൽ പ്രവേശിപ്പിക്കേണ്ട സാഹചര്യമുണ്ചാകും. ഇത് തടയാൻ മരുന്ന് ​ഗുണകരമാകുമെന്നാണ് വിലയിരുത്തൽ. 

ഒരു അഭിപ്രായം പോസ്റ്റ് ചെയ്യൂ

Whatsapp Button works on Mobile Device only